"Rusiyägä qarşı iqtisadi suğış iğlan itelde"

Rusiyäneñ Tışqı êşlär ministr yärdämçese Sergey Ryabov ileneñ AQŞ adımnarına qarşı çikläwlär isemlegeneñ äzer buluın häm ozaqlamıy açıqlanaçağın citkerde.

Ryabkov Pervıy kanalda açıqlaw yasap, ileneñ AQŞnıñ çikläw qararlarınıñ tiskäre täêsirlärennän saqlanırğa tırışaçağın, monıñ öçen forsatlarnıñ buluın belderde.

AQŞnıñ adımnarına çikläw qararları belän cawap biräçäklären açıqlağan ministr yärdämçese: “İsemlek äzer. Bu – köndälek êşlärneñ ber öleşe. Ozaqlamıy açıqlanaçaq. Bu çikläwlär Rusiyäneñ Ukrainağa kerüe belän bäyle tügel. Alarğa äzerlänä idek. Xärbi operaŝiya bulmasa da, Vaşington çikläwlärgä säbäp tabar ide. Könbatışlı illär bitleklären saldı häm Rusiyägä qarşı iqtisadi suğış iğlan itte,” – dide.