2 million 155 meñ 271 möhacir Ukrainadan kürşe illärgä küçte

BMO bu sannıñ 4 millionğa citäçägen farazlıy

1792616
2 million 155 meñ 271 möhacir Ukrainadan kürşe illärgä küçte

Rusiyä başlağan suğış säbäple 2 million 155 meñ 271 möhacir Ukrainadan kürşe illärgä küçte.

BMOnıñ migrantlar yuğarı komissariatı Ukrainadağı qaçaqlar krizisına bäyle törle çığanaqlardan cıyılğan mäğ’lümatlar belän urtaqlaştı. Belderüdä 24nçe fevral’dän 8nçe martqa qadärge sannar kiterelä.  

Ukrainadağı suğıştan qaçuçılarnıñ kübese Pol’şağa kitte – 1 million 294 meñ 903 keşe. Vengriyägä - 203 meñnän kübräk, Slovakiyägä - 153 meñ 300 tiräse, Rumıniyägä - 85 meñ yarım, Rusiyägä - 99 meñ 300, Moldovağa – 82 meñ 700dän artıq, Belarus’qa – 592 häm başqa Awrupa däwlätlärenä 183 meñ 688 möhacir kitte.

Bu sannarğa östämä bularaq Doneśk häm Lugansk töbäklärennän 18nçe fevral’dän 23enä qadär 96 meñ keşeneñ Rusiyägä kerüe terkälä.

BMOnıñ migrantlar yuğarı komissariatı beldergänçä, Ukrainada xäzerge wäzğıyät’ däwam itsä, ildän 4 million tiräse grajdanlı qaçarğa mömkin.  



Bäyläneşle xäbärlär