Ukraina qayber azıq-tölekne êksportlawnı tuqtata
Bu ildäge suğış arqasında azıq-tölek citmӓw qurqınıçın küzdӓ totıp êşlänä
1791310
Ukraina xökümӓte Rusiya belӓn barğan suğış arqasında azıq-tölek citmӓw qurqınıçın küzdӓ totıp qayberlӓren êksportlawnı tuqtata.
Kiyev xökümӓte beldergӓnçӓ, it, arış, solı, qaraboday, şikӓr qomı, tarı hӓm toz êksportı tuqtatılaçaq, boday, kukuruz, qoş ite, yomırqa hӓm may êksportına isӓ Ukraina iq’tisad ministrlığınıñ raslawı belӓn röxsӓt itelӓçӓk.
Ukraina prem’yer-ministrı Denis Şmixal bu xaqtağı yazmaça belderüendӓ ”Bez Ukrainağa kirӓk bulğan bar nӓrsӓne birergӓ tiyeş. Xökümӓt citeşterü öçen sośial’ cӓhӓttӓn möhim tovarlar hӓm çimal êksportın çiklӓrgӓ qarar qıldı. Azıq-tölek qurqınıçsızlığın kontrol’dӓ totu xӓzerge waqıtta İq’tisad ministrlığınıñ östenlekle yünӓleşlӓreneñ berse” dide.
