Mişel’: “Suğış Awrupanıñ küzen açtı”

Şarl’ Mişel’ Germaniyanıñ “Zeit” gazetına, Ukrainadağı suğışnıñ Awrupanıñ bäylelekläreneñ nilär buluın açıq itep kürsätüenä basım yasap: "Bez suverenlığıbızğa tağın da kübräk kapital salırğa tiyeş. Bu suğış küzebezne açtı," – dip belderde.

Awrupa Berlegeneñ Rusiyä belän suğışta bulmawın anıq räweştä iskärtep uzuçı Mişel’: "Bez Rusiyä belän suğışta tügel. Rusiyä (24nçe fevral’dä) Ukraina belän suğış başlattı. Ukraina – Awrupa Berlegeneñ yaqın urtağı häm dustı. Şuña kürä aña törle yaqlap yärdäm kürsätäbez. Barısına da qaramastan ber ük waqıtta Rusiyä belän êlemtä kanalların açıq totarğa tırışabız”, - dip belderde.

Mişel’, Awrupa Berlegeneñ qoral belän täêmin itelüe öçen Ukrainağa 450 million yevronıñ ayırılıp quyıluı belän bäyle bularaq isä Ukrainanıñ basıp aluğa qarşılıq kürsätüen yaqlawlarına basım yasap: "Bu bik awır wazğıyät. Ukraina NATO äğ’zase tügel, läkin ber ük waqıtta Awrupa Berlegeneñ yaqın urtağı. Bezneñ partnyorlıq kileşüebez bar. Rusiyä yıllar êlek Awrupa yulın saylağan ilgä qarşı ayawsız suğış başlatunı saylap aldı”, - dip fikeren citkerde.

Telgä alınğan 450 million yevro belän Awrupa Berlegeneñ xärbi oçqıç täêmin itelüendä rol’ almayaçağın raslawçı Mişel’: "Xärbi oçqıç satıp alınmayaçaq”, - dip äytte.

Awrupa saqlanuı öçen tağın da kübräk sarıf itärgä mäcbür buluların bilgeläp uzuçı Mişel’ Awrupa iminlegeneñ häm tınıçlığınıñ qurqınıç astında buluına iğ’tibarnı yünältte.