10 million keşe azıq-tölek yӓrdӓme kötӓ

Êfiopiyada köçle qorılıq däwam itä

1790959
10 million keşe azıq-tölek yӓrdӓme kötӓ

Êfiopiyada dӓwam itüçe qorılıq arqasında Somali hӓm Oromiya töbӓklӓrendӓ 10 million keşe azıq-tölek yӓrdӓme kötӓ.

Töbӓktӓge Afӓt riskları idarӓse başlığı Sadık Abdulkadir Xalif açıqlaw yasap, kürelgӓn çaralarğa qaramastan qorılıqnıñ xalıqqa tӓêsireneñ azaymawına iğtibarnı cӓlep itte hӓm 1 millionnan artıq mal-tuarnıñ yuqqa çığuın belderde.

“Qorılıq arqasında Somalida 10 million keşe kritik xӓldӓ,” – dide ul.

Somali xalqınnan Abdikadir Ömer qorılıq arqasında 200 kӓcӓseneñ yartısın yuğaltuın ӓytte.

“Kӓcӓlӓremne qorılıqtan qotqaru öçen yök maşinasın arendağa aldım. Başqa urınğa alıp bara, lӓkin alarğa nӓrsӓ bulır anısın belmim. Azıq-tölek yӓrdӓme waqıtında kilep citӓr dip ışanam,” – dide Abdikadir.

Qorılıqtan 10 balası hӓm 200 êre mögezle terlege belӓn öyen taşlap kitӓrgӓ mӓcbür qalğan Num’a Möxӓmmӓd tӓ şaqtıy terlegen yuğalttı.

Berläşkän Millӓtlär Oyışması  Êfiopiya, Keniya hӓm Somalidağı qorılıqnıñ 1981nçe yıldan birle köçle rӓweştӓ uzuın hӓm 13 millionnan artıq keşeneñ açlıq qurqınıçı belӓn oçraşuın citkerde.



Bäyläneşle xäbärlär