BMO Rusiyäneñ cinayätlären tikşeräçäk
Berläşkän Millätlär Oyışması Rusiyäne gäyıpläwçe häm Ukrainadağı böten keşe xoquqların bozunı tikşeräçäk xalıqara bäysez tikşerü komissiyasınıñ tözelüe turında qarar ölgesen qabul itte
Şveyśariyanıñ Jeneva qalasında Ukrainanıñ taläbe nigezendä BMO Keşe xoquqları şurasında 2 kön däwam itkän aşığıç utırışta ütkärelgän tawışqa quyuda Törkiyä dä urtaq alıp baruçıları arasında bulğan qarar ölgese 2gä qarşı 32 tawış belän qabul itelde. Tawışqa quyuda 13 il isä bitaraf qaldı.
Êritreya häm Rusiyä qarşı tawış birgän tawışqa quyuda Qıtaynıñ häm qayber Afrika illäreneñ bitaraf qaluı iğ’tibarnı cälep itte.
Bu räweşle Rusiyäneñ Ukrainağa höcüme waqıtında yasağan buluı uylanılğan böten keşe xoquqların häm xalıqara xoquqnı bozu oçraqların gäyıpläwçe häm bolarnıñ tikşerelüe öçen xalıqara tikşerü komissiyasınıñ tözelüen küzdä totqan qarar ölgese küpçelek tawış belän qabul itelde.
Qararğa kürä, BMO Keşe xoquqları şurası qarşında tözeläçäk tikşerü komissiyası Şura başlığı tarafınnan saylanaçaq 3 xalıqara keşe xoquqları belgeçennän toraçaq. Komissiyanıñ waqıtı isä 1 yıl bularaq bilgelände.
Qabul itelgän qararda ayıruça Mäskäwneñ böten xärbi köçlären Ukraina cirlärennän xäzer ük çigüe, xalıqara çik buylarına qaytıluı häm Rusiyäneñ keşe xoquqların bozuın aşığıç räweştä tuqtatuı taläp itelde.
Rusiyä xärbiläre 24nçe fevral’dä Ukrainağa höcüm başlatqan ide.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı
