Yaňa Zelandiyada cirteträw

Amerika Quşma Ştatları geologik tikşerenülär üzägenä kürä, zilzilä Aukland şähäreneň 775 çaqrım tön’yaq-könçığışında urnaşqan Kermadek utrawları yanında okeannıň yaqınça 38 kilometr tiränlegendä barlıqqa kilgän.

Cirteträwneň nindi zıyan kiterüe turında älegä belderü yasalmadı.

Tın okeanındağı Yaňa Zelandiya häm Solomon utrawları da urnaşqan “Ut bocrası” dip yörtelgän seysmik yarıq sızığındağı illärdä yanartaw şartlawları belän ber rättän yış qına cirteträwlär dä barlıqqa kilä.