Amerikan däwlätläre oyışmasınnan Ukrainağa teläktäşlek

Video konferenśiya sisteması belän cıyılğan Amerikan däwlätläre oyışmasına (OAS) äğ’za däwlätlär Ukrainadağı xällärne tikşerde.

Rusiyäneñ Ukrainağa açqan suğışnı kire qağuçı beldergene imzalağan äğ’zalärneñ küpçelege, Ukraina xalqı kiçerüçe awır şartlarğa iğ’tibarnı yünältep, Ukraina xalqı häm xökümäte belän teläktäşleklären citkerde.

Xatta, soñğı täräqqıyätlärneñ borçılıp küzätelüe belderelep: "Dialog häm diplomatik söyläşülärneñ bik yaqın waqıtta millätegezdä normallekneñ yañadan urnaştırıluı belän ber rättän töbäkneñ häm dönyanıñ totrıqlılığı öçen daimi çişeleşkä ireşeläçägenä ışanabız”, - dip äytelde.

Rusiyäneñ Ukrainağa qarşı başlatqan suğışnı kire qağuçı beldergegä qul quyğan illär Amerika Quşma Ştatları, Kanada, Çili, Kosta-Rika, Êkvador, Gvatemala, Yamayka, Meksika, Panama, Paraguvay, Peru, Dominik Cömhüriyäte, Surinam, Trinidad häm Tobago, Urugvay häm Kolumbiya buldı.

Bitaraf qalğan illärneñ isä Argentina, Braziliya, Boliviya häm Nikaragua buluı belderelde.