Rusiyä oçqıçlarına çikläwlär

Rusiyäneñ Ukrainağa höcümennän soñ Rusiyägä qarata şaqtıy çikläw kön tärtibenä kilde.

Awrupa Berlege, Ukraina, Moldova, Angliya, İslandiya, Tön’yaq Makedoniya häm Kanada da hawa kiñleklären Rusiyä öçen yaptı.

Höcüm oyıştırılğan könne hawa kiñlegen Rusiyä öçen yapqan berençe il Modolva buldı.

Annarı bu qararnı Pol’şa, Angliya, Êstoniya, Çexiya, Rumıniya, Latviya, Litva, Bolgariya, İslandiya, Finlyandiya, İtaliya, Franŝiya, Niderland, Daniya häm Şveŝiya qabul itte.

Hawa kiñlegen Rusiyägä yapqan illär sanı 30dan arttı.

Awrupa Berlege Komissiyase başlığı Ursula fon der Lyayen kiçä açıqlaw yasap: “Bu qarar oligarxlarnıñ maxsus oçqıçlarına da qağıla,” – dide.

Awrupada hawa kiñlegen Rusiyä öçen yapqan illär tübändägelär: Ukraina, Moldova, Angliya, İslandiya, Germaniya, Awstriya, Bel’giya, Bolgariya, Çexiya, Daniya, Êstoniya, Finlyandiya, Norvegiya, Franŝiya, Kön’yaq Kipr Grek Citäkçelege, Xorvatiya, Niderland, İrlandiya, İspaniya, Şveŝiya, İtaliya, Litva, Latviya, Lyuksemburg, Vengriya, Mal’ta, Pol’şa, Portugaliya, Rumıniya, Slovakiya, Sloveniya, Greŝiya, Tön’yaq Makedoniya.