BMO: "Ukrainada tınıç xalıq arasında ülemnär arta"
Berläşkän Millätlär Oyışması Rusiyäneň Ukrainağa xärbi qatışuınnan soň tınıç xalıqtan 100 meň keşeneň küçep kitärgä mäcbür buluın belderde
BMO Qaçaqlar yuğarı komissarı süzçese Şabia Mantoo BMO Jeneva ofisında oyıştırılğan matbuğat oçraşuında: "Yaqınça 100 meňnän kübräk keşeneň öylären taşlap kitüen yäki il êçendä küçep kitüen häm bolarnıň berniçä meňeneň xalıqara çiklärne uzğan bula aluın farazlıybız”, - dip äytte.
Mantoo il külämendä möhim däräcädä küçenülärneň yäşänüenä häm çik buyları belän çit illärgä taba xäräkätlelekneň buluına basım yasadı, ayıruça Ukraina xakimiyäte belän bergä qaçıp kitkän tınıç xalıqqa humanitar yärdäm kürsätülären iskärtep uzdı.
BMO keşe xoquqları yuğarı komissarı süzçese Ravina Şamdasani isä Rusiyäneň hawa höcümnäre belän bombalawınnan ukrainalı tınıç xalıqtan 25 keşeneň häläq buluı häm 102 grajdannıň yaralanuı turında xisap aluların, çın sannarnıň isä tağın da kübräk bula alaçağın belderde.
Şamdasani: "Ukrainada kiçä köne-töne yäşängän xällärdän citdi däräcädä borçılabız. Tınıç xalıq arasındağı ülemnärneň artuı turında xäbärlär alabız”, - dip äytte.
Rusiyäneň xärbi xäräkäteneň xalıqara xoquqnı açıq räweştä bozuına basım yasawçı Şamdasani: "(Xäräkät) Bik küp keşe ğomeren risk astına quya häm xäzer ük tuqtatıluı kiräk”, - dip belderde.
Rusiyä atnakiçen Ukrainağa xärbi xäräkät başlatqan ide.
