Germaniya häm Pol'şada köçle dawıl ülemnärgä kiterde
İleniyä iseme birelgän dawıl waqıtında ağaçlar häm krannar yığıla
Germaniyäneñ bigräk tä tön’yağı häm könçığışında xakimlek itüçe quätle dawılda 3 keşeneñ ğomere özelüe belderelde. İlneñ meteorologiya idaräse xäbär itkänçä, İleniyä iseme birelgän dawıl waqıtında Saksoniya-Anxal’ttağı Garś tawlarında cilneñ tizlege säğatenä 150 çaqrımğa citkän. Älege cirlektä dawıl qubarğan ağaç avtomobil’ östenä kilep töşep 55 yäş’lek ber keşeneñ ğomere özelä. Tübän Saksoniya töbägendä dä şul uq säbäp belän 37 yäş’lek keşe hälaq bula.
Osnarbrük cirlegendä dawıl arqasında avtomobil’ qarşı yulğa çığa häm yök maşinası belän bäreleşä, yörtüçe ülä.
Germaniyä timer yullarınnan belderülärençä, dawıl kiterep çığarğan cimerekleklär säbäple 19nçı fevral’gä qadär il külämendä poyızd säfärlärendä özekleklär bulacağı belderelde.
Germaniyä hawa yulları şirkäte Lufthanza da 19nçı fevral’gä qadär naçar hawa şartları arqasında oçış programmalarında üzgäreşlär bulaçağın citkerde.
Pol’şanıñ Krakov şähärendä köçle dawıl yıqqan kran tözeleş mäydanındağı 2 keşeneñ ülemenä, 4seneñ yaralanuına kiterde.