Tuy waqıtında faciğa

Hindstanda tuy waqıtında qoyı işelep anıñ östendä biyegän 13 keşeneñ ğomere özelde

1780205
Tuy waqıtında faciğa

Hindstannıñ tön’yağında tuy waqıtında öste beton bloklar belän qaplanğan awıl qoyısı işelde. Anda 13 keşeneñ ğomere özelde. Aralarında balalar da bar. Tağın 10 keşe yaralı xäldä xastaxanägä ozatıla.

Wäqalätlelär citkergänçä, waqıyğa kiçä tönlä Uttar-Pradeş töbägeneñ Kuşinagar rayonında bula. Hälaq buluçılarnıñ barısı xatın-qız. Alar tuy waqıtında qullanılmağan häm öste beton bloklar belän qaplanğan qoyı östendä küñel aça, bii. Qoyınıñ tiränlege 15 metrdan kübräk.

Hindstan xökümäte räise Narendra Modi sośial’ mediada yasağan belderüdä waqıyğanı “yöräk ärnetüçe” dip bäyäläde häm yaralılarnıñ tizräk terelüe öçen doğa qıluın äytte.



Bäyläneşle xäbärlär