Ğaräp sammitı kiläse ayda ütkärelmäyäçäk

Aljir İlbaşı Abdulmäcid Täbbun kiläse ayda ütkärelüe kötelgän Ğaräp sammitınıñ bıyılnıñ soñğı çiregendä uzdırılaçağın belderde

1779527
Ğaräp sammitı kiläse ayda ütkärelmäyäçäk

İlneñ räsmi televideniye kanalı Täbbunnıñ cirle televideniye kanallarına yasağan açıqlawların tapşırdı.

Aljirda ütkäreläçäk yuğarı däräcäle oçraşu köneneñ älegä tögäl bularaq belenmäwen citkerüçe Täbbun ileneñ täq’dime belän martta Misır başqalası Qahirädä oyıştırılaçaq ğaräp tışqı êşlär ministrları cıyılışında bu datanıñ bilgelänäçägen iskärtep uzdı.

Täbbun sammitnıñ 2022nçe yılnıñ soñğı çiregenä kiçekterelüeneñ artındağı säbäpneñ ğaräp liderları arasındağı kileşmäwçänleklär buluı turında mediada çıqqan xäbärlär belän bäyle bularaq: “Bu döres tügel”, - diyep: "Aljir şuşı yuğarı däräcäle oçraşuda ğaräp illäreneñ torğızıluına häm Ğaräp Ligası nigezläreneñ yañarışına da forsat bulaçaq yaxşı näticälärneñ çığuına ömetlänä”, - dip belderde.

Täbbun açıqlawlarında ayıruça "antipropaganda" säbäbe belän ileneñ Marokko belän aralarında nindi dä bulsa ber aradaşçılıq täq’dimnären qabul itmäwenä basım yasadı.

Aljir berniçä ay êlek doşmança propagandaların alıp baruı säbäbe belän Marokko belän mönäsäbätlären özgän ide.

Ğaräp sammitı yaña tör koronavirus arqasında 2020nçe häm 2021nçe yıllarda uzdırılmağan ide.



Bäyläneşle xäbärlär