"Awrupa tınıçlığı qurqınıç astında"

Bu xaqta Germaniya Kanŝlerı Olaf Şol’ŝ belderde

1778219
"Awrupa tınıçlığı qurqınıç astında"

Germaniya Kanŝlerı Olaf Şol’ŝ Rusiyä belän Ukraina arasındağı kiyerenkelekne Awrupadağı tınıçlıq öçen bik citdi yanaw bularaq kürüen belderde.

Şol’ŝ başqala Berlinda açıqlaw yasap, älege kiyerenkelekneñ Awrupada tınıçlıq öçen bik citdi yanaw buluın assızıqlap, Rusiyä Ukrainağa cir bötenlegen häm möstäqıyl’legen qurqınıç astına quyuçı xärbi höcüm oyıştırğan oçraqta monıñ qırıs reakŝiyalär häm çikläwlär alıp kiläçäge turındağı kisätüen qabatladı.

Ukraina häm annarı Rusiyägä säfär yasayaçağın äytkän Şol’ŝ: “Här ike oçraqta da mäs’älä Awrupadağı tınıçlıqnı garantiyaläwgä qağıla,” – dide.

Kanŝler krizistan çığu yulın tabar öçen törle xalıqara bäxäs formatların qullanu kiräklegen assızıqladı.

“Ukrainağa ütkändä bulğanı kebek kiräkle yärdämläşüne kürsätäçäkbez. Ukrainağa iñ küp iqtisadi yärdäm kürsätüçe il – Germaniya. Monı başqarırğa däwam itäçäkbez,” – dide ul.



Bäyläneşle xäbärlär