"Basıp alu teläsä qaysı waqıtta başlanırğa mömkin"

AQŞ bu süzlär belän Ukrainadağı amerikalılarnı tiz arada ildän kitärgä çaqırdı

1777406
"Basıp alu teläsä qaysı waqıtta başlanırğa mömkin"

 Amerika Quşma Ştatları milli qurqınıçsızlıq kiňäşçese Djeyk Sallivan Rusiya Qıtay Olimpiya uyınnarı betkänçe Ukrainanı basıp alırğa kereşergä mömkin dip belderde.

Ul bu xaqta Aq Yorttağı matbuğat oçraşuında citkerde.

Sallivan bilgeläp ütkänçä, Rusiya Federaśiyäse däwlät başlığı Vladimir Putinnıň  basıp alu turındağı  qararı qatğıy ,läkin xäzergä monı äytmi. Fäqat’ basıp alunıň teläsä qaysı waqıtta başlanırğa mömkinlege xaqında üzlärendä köçle küzläw mäğ’lümatları bar.

Sallivan äytüençä, Rusiya Ukrainanı basıp alunı başta hawa häm raketa höcümnäre belän başlayaçaq, annarı ciröste operaśiyäläre belän däwam itäçäk. Ul Rusiyäneň Ukraina başqalası Kiyevnı kötelmägän ber höcüm belän yawlap alırğa teläyäçägen dä äytte.

Sallivan Ukrainanı basıp alunıň teläsä qaysı waqıtta başlanırğa mömkinlegen iskärtep, bu ildäge amerikalılarnıň tiz arada ildän kitärgä kiräklegen ,höcüm bulğan oçraqta êvakuaśiya operaśiyäse ütkärmäyäçäklären dä assızıqladı.

AQŞ diňgez flotı Rusiya - Ukraina kiyerenkelege köçäyüdän soň Awrupa öçen cawaplı 6 nçı flot töbägenä 4 xärbi köymä cibärä.

Şulay uq Angliya, İzrail, Kön’yaq Koreya da watandaşların Ukrainağa barmasqa häm bu ildäge watandaşlarına da biredän kitärgä quştılar.

Awrupa Berlege dä , töp östenlekle keşelärdän qala, diplomatik xezmätkärläreneň ildän kitüen soradı.



Bäyläneşle xäbärlär