Awrupa xalqı Rusiyäneñ Ukrainanı basıp alaçağın uylıy

Awrupalılarnıñ kübese 2022nçe yılda Rusiyäneñ Ukrainanı basıp alaçağın uylıy.

Monı Awrupa tışqı mönäsäbätlär şurası Finlyandiya, Franśiyä, Germaniyä, İtaliyä, Pol’şa, Rumıniya häm Şveśiyädä uzdırğan häm tulayım 5 meñ 529 keşe qatnaşqan onlayn soraştıru kürsätte.

Anketa şuranıñ räsmi internet säxifäsendä çıqtı. Annan kürengänçä, awrupalılar Ukrainadağı kiyerenkelekne “Awrupa krizisı” bularaq kürä.

Soraştıruda Pol’şadan qatnaşuçılarnıñ 73%ı Rusiyäneñ bıyıl Ukrainanı basıp alaçağın uylawın belderä. Rumıniyädä bu kürsätkeç  64%, Şveśiyädä - 55%, Germaniyädä – 52%, Franśiyä häm İtaliyädä - 51%, Finlyandiyädä isä 44%.

Anketada iğ’tibarnı iñ cälep itä torğan soraw – Ukrainanıñ kem tarafınnan yaqlanırğa tiyeşlege. Soraştıruda qatnaşuçılarnıñ kübese NATOnı bu wazıyfa öçen iñ yaxşı urnaşqan oyışma bularaq kürä.