Belarus' Rusiyä köçläreneñ xezmätenä ğaskärilären cibäräçäk

Rusiyä Baş ministrı Mixail Mişustin raslağan Rusiyä häm Belarus' arasındağı ölge kileşügä kürä, Belarus' berlekläre suğış töbäkläreneñ tışında xalıqqa “humanitar yärdäm”ne täêmin itü öçen êşläyäçäk.

Rusiyä saqlanu ministrı Sergey Şoygu 3nçe fevral’dä Belarus' belän bıyıl 20dän kübräk urtaq xärbi künegü ütkäräçäklären beldergän ide.

Belarus' İlbaşı Aleksandr Lukaşenko belän başqala Minskta oçraşqan Şoygu Rusiyä häm Belarus'neñ 10nçı-20nçe fevral’dä "Berlektäşlek täwäkkällege-2022" urtaq xärbi künegülärne oyıştıraçaqların citkerep, monıñ öçen Rusiyäneñ könçığışınnan Belarusqa xärbi berleklärneñ häm texnikanıñ cibärelüen äytkän ide.

Lukaşenko da şuşı xärbi künegülär belän Ukraina belän çik buyın köçäytüne maqsat itülären äytep: "Wazğıyät kiyerenkelänä. Bez cawap birergä mäcbür bulabız”, - dip beldergän ide.