Yämän ğailäläre açlıqtan ağaç yafraqları aşıy

Bötendön’ya azıq-tölek programması finans citmäw arqasında ğıynvar ayınnan başlap Yämängä cibärelüçe yärdämnärneñ kimetäläçägen xäbär itte

1770702
Yämän ğailäläre açlıqtan ağaç yafraqları aşıy

Yämändäge ğailälärneñ ağaç yafraqları aşap isän qalırğa mataşuı belderelde.

BMOnıñ Bötendön’ya azıq-tölek programması sośial’ media aşa beldergänçä, ildä bäreleşlär häm iq’tisadi tarqalu torğan sayın köçäyä. Böten cirdä açlıq küzätelä.

Yämänneñ Xaccä töbäge şikelle suğıştan iñ nıq zarar kürgän qayber cirleklärendä ğailälär isän qalu öçen çarasızlıqtan ağaç yafraqların aşıy başlağan.  

Bötendön’ya azıq-tölek programması 22nçe dekabr’dä yasağan belderüendä finans citmäw arqasında ğıynvar ayınnan başlap Yämängä cibärelüçe yärdämnärneñ kimetäläçägen xäbär itte.

İldä xusilär 2014nçe yılnıñ sentyabr’ ayınnan birle başqala Sana häm qayber başqa töbäklärne üz kontrolendä tota. Soğud Ğaräbstanı citäkçelegendäge koaliśiyä köçläre alarğa qarşı suğışu öçen Yämän xökümätenä yärdäm itä.

BMO xisaplarına qarağanda, älege suğış arqasında ildä 377 meñ keşeneñ ğomere özelgän.

Yämän dön’yadağı iñ fäqıyr’ däwlätlärneñ berse häm bügen anda gumanitar krizis qotoçqıç däräcägä citte.



Bäyläneşle xäbärlär