Plastik êşlänmälärdäge ximik matdälär simerügä kiterä
Monı tikşerenü näticäläre kürsätkän
Köndälek tormışta qullanılğan plastik paketlarda , plastmassa qaplarda simerü üseşenä êtärgeç yasıy torğan ximik matdälär bar.
"Environmental Science & Technology" jurnalında dönya kürgän tikşerenü näticäläre arzan bulğanğa häm azıqnıň saqlanu waqıtın ozaytqanğa bik kiň qullanılğan plastik qaplarda meňlägän törle ximik matdälär buluın kürsätte.
Norvegiya fän häm texnologiya universitetı citäkçelegendäge häm Germaniyädäge Gyete universitetı yärdäme belän oyıştırılğan tikşerenü törkeme êçemlek şeşäläre ,yoğırt qapları , sawıt-saba yua torğan gubkalar urın alğan köndälek tormışta kiň qullanılğan 34 plastik êşlänmäne tikşerde.
Tikşerelgän êşlänmälärdä 55 meňnän artıq törle ximik komponent tabıldı, alarnıň 626 sına bilgelämä birelde.
Bolardan 11 e keşelärneň matdälär almaşına zıyan kiterä.
Yaňa tikşerüdä plastik êşlänmälärneň öçtän berendäge ximik matdälärneň may küzänäkläre üseşenä yärdäm itüe açıqlandı.
Norvegiya fän häm texnologiya universitetınıň biologiya bülegennän Martin Vagner äytüençä, tikşerülär plastik êşlänmälärdä artıq awırlıq häm simerügä kiterä torğan matdälär buluın kürsätte.
Dön’yada yaqınça 2 milliard keşeneň artıq awırlıq problemaları bar, alarnıň yaqınça 650 millionı simerü kategoriyäsenä kerä.
