Uzğan yıl Rusiyädä xalıq sanı kimegän
İldä ülem - kitemnär sanı 15,1%qa artqan häm 2 million 440 meň keşegä citkän
1770189
Rusiyädä xalıq sanı, Sovetlar Berlege tarqalğannan soň (1991), berençe tapqır uzğan yıl 1 millionnan artıq keşegä kimegän.
Däwlät statistikası federal’ xezmäte mäğ’lümatlarına qarağanda, ildä uzğan yılğı ülem däräcäse annan êlekke yıl belän çağıştırğanda 15,1%qa artqan , 2021 nçe yılda 2 million 440 meň keşe wafat bulğan.
2021 nçe yılda balalar tuuı 2,3 %qa kimegän, uzğan yıl 1 million 400 meň sabıy tuğan.
2021 nçe yıl axırına Rusiya xalqı 145,5 million keşegä kimegän, ildäge öyläneşü sanında da kimü küzätelä, ayırılışular sanı isä artqan.
Belgeçlär Rusiyägä êmigrantlar ağımı kimüen, ildä tuuçılar sanı az buluın ,bolarnıň yaňa demografik problemağa kiterä aluın kisätä.
