Qar yomarlap atqan öçen - räşätkä artına

İzrail iminlek saqçıları basıp alınğan Könçığış Qudüs - Yerusalimda poliśiyä maşinasına qar atuları öçen 3 fälästinlene saq astına aldı. Alarnıñ ikese bala.

Cirle matbuğattağı xäbärlärgä qarağanda, soñğı 24 säğat’tä qalanıñ törle rayonnarında bulğan waqıyğalarda İzrail köçläre tarafınnan qulğa alınuçılarnıñ sanı 45kä citte. Qar yomarlap atqan öçen poliśiyä bülegenä alıp kitelgän 3 keşe dä şular isäbendä.

Yordannıñ könbatış üzänlege häm Könçığış Qudüstä saq astına alular ğadäti xälgä äwerelde. Fälästinlelärne yuq qına ğayepläwlär belän könnär buyı räşätkä artında utırtalar. Aralarında yış qına xatın-qız häm balalar da bula.