Käxwä üsüçe mäydannar yartılaş kimi

Käxwä citeşterelä torğan mäydannar 2050nçe yılğa qadär yartılaş kimiyäçäk.

BBCneñ xäbärenä qarağanda, belgeçlär cılılıqnıñ artuı häm yañğır däräcäseneñ üzgärüeneñ kiläse 30 yılda käxwä, keş’yu häm avokado üsterügä niçek täêsir itäçägen tikşerde.  

Êşçänlektä Braziliyä, İndoneziya, V’yetnam häm Kolumbiyadä käxwä citeşterelüçe ähämiyätle mäydannarnıñ 2050nçe yılğa qadär yaqınça 50%qa kimiyäçäge açıqlandı.

Cılılıq iñ tübän bulğan sśenariyda isä Braziliyädä käxwä öçen iñ yaxşı töbäklärdä 76%lıq azayu küreläçäge belderelä. Kolumbiyädä isä bu kürsätkeç 63% bulaçaq.

Şul uq waqıtta, êşçänlektä Argentina, Kön’yaq Afrika, Qıtay häm Yaña Zelandiyäneñ qayber töbäkläreneñ käxwä citeşterü öçen tağın da uñay xälgä kiläçäge açıqlana.

Klimat üzgärü arqasında keş’yu citeşterü mäydannarı 17%qa azayaçaq.

Avokado igüdä dön’yadağı iñ zur citeşterüçe bulğan Meksikada monıñ öçen yaraqlı urınnarnıñ 80%qa artaçağı belderelde. Ä menä Peru isä şul uq klimat şartları astında avokado üsterü öçen uñay mäydannarınıñ yaqınça yartısın yuğaltaçaq.