Nigeriyädä lassa bizgägennän ülälär

Nigeriyädä lassa bizgägennän ülüçelär sanı 26ğa citkän.

Bu xaqta Nigeriya awırularnı kontrol’dä totu üzäge direktorı doktor İfedayo Adedifa belderä.

Anıň äytüençä, kizüdä tağın 14 keşeneň ğomere özelgän.

Şulay itep bıyıl lassa bizgägennän ğomeren yuğaltuçılar sanı 26 bulğan.

Ütergeç bizgäk ilneñ 11 vilayätendä taralğan.

Xäzergä qadär 115 lassa bizgäge belän awıru oçrağı terkälgän.

Ul uzğan yıl Nigeriyädä 102 keşene yaqtı dönyadan alıp kitkän bulğan.

Nigeriya xökümäte 2019 nçı yılnıň 23 nçe ğıynwarında lazza bizgäge arqasında “ğadättän tış xäl” iğ’lan itkän ide.

Ülemgӓ iltüçe lassa bizgäge tıçqan tizägennän yoğa häm soñınnan ber keşedän ikençesenä küçä.

Räsmi zatlar xalıqnı gigiyena qağıydӓlӓren ütärgä, tıçqan häm başqa kimerüçelärdän yıraq torırğa çaqıra.