AQŞqa xezmät itkän äfğannar äle haman viza kötä

AQŞ xärbiläre Äfğanstannan çığışlıy üzläre belän ŚRU qul astında êşlägän äfğan köçlären dä alğan ide. Alarnıñ äle haman Berläşkän Ğaräp Ämirleklärendä vizalarınıñ raslanuın kötüläre bilgele buldı.

“New York Times” gazetınıñ xäbärendä äytelgänçä, äfğan köçläre avgust ayında başlanğan êvakuaśiyä tögällängängä qadär Äfğanstanda qala häm annan iñ soñğı bulıp kitä. Tik alar ğailäläre belän äle haman AQŞqa barıp citä almanğan.

Amerika Quşma Ştatları üzäk küzläw idaräse qul astında êşlägän meñnärçä äfğan ğaskäriye häm ğailäläre Berläşkän Ğaräp Ämirleklärendäge ber möhacir lagerında totıla.

AQŞ Talibannıñ idaräne üz qulına aluınnan soñ 100 meñnän artıq Äfğanstan watandaşın da êvakuaśiyäläp älege ildän çıqtı.