Parlament räise yortına raketa attılar

Ğıyraqta yaña saylanğan parlament räisenä höcüm buldı

1768290
Parlament räise yortına raketa attılar

Ğıyraq parlamentı räise Möxämmät äl-Xalbusinıñ yortı urnaşqan Garma rayonına raketa cibärdelär. Anda 2 grajdanlı yaralandı.

Ğıyraq xökümätenä bäyle İminlek media çeltärennän yasalğan belderüdä bolay diyelä: “Parlament räise Xalbusinıñ tuğan cire Garma rayonına 3 raketa belän terrorçı höcüme oyıştırıldı. Bu waqıtta yulda baruçı 2 keşe ciñelçä yaralandı”.

Cirle matbuğatta çıqqan xäbärlärgä qarağanda, raketalarnıñ berse Xalbusinıñ yortınıñ yänäşäsenä töşkän.

Ğıyraq yuğarı federal’ mäxkämäse 9nçı ğıynvardağı parlament räise saylawınıñ qanunsız buluı turındağı şiqayätne kire qaqtı. İran yaqlı şiğıy törkemnär Xalbusi kandidat bulğan saylawda qatnaşmadı.



Bäyläneşle xäbärlär