Köymä äylänep qaplandı - 39 keşe yuqqa çıqtı

AQŞnıñ Florida ştatı yanında ber köymäneñ äylänep qaplanuı näticäsendä 39 keşe yuqqa çıqtı. İlneñ yar buyı iminlege idaräsennän yasalğan belderüdä hälakätneñ Fort-Pirs-İnlettan yaqınça 72 çaqrım yıraqlıqta buluı äytelä. Äylänep qaplanğan köymägä totınıp toruçı ber keşene qotqarğannar. Ul köymädä üzeneñ tışında tağın 39 keşeneñ buluın häm berseneñ dä maxsus jilet kimäwen äytte. Hälakät naçar hawa şartları arqasında kilep çıqqan. Yuğalğan keşelärne êzlilär.

Yar buyı iminlege xezmätkärläre waqıyğanıñ qanunsız qaçaqçılıq belän bäyle buluın uylıy. Köymä Bagama utrawlarınnan şimbä kiçe yulğa quzğalğan.