Burkina-Fasodağı xuntanıñ artında Franśiyä toramı?

Franśiyäneñ sentyabr’ ayınnan birle Burkina-Fasoda armiyäneñ xakimiyätne tartıp alu sśenariyların tözüe alğa sörelä.

Parijda çığuçı “Afrika Intelligence” internet säxifäseneñ xäbärenä qarağanda, Burkina-Fasodağı tüntäreleş franśuz diplomatlarınıñ êşe. Parij idaräse 23nçe ğıynvarda ilbaşı Rok Kristian Kaborenı ildän aşığıç räweştä çığarırğa täq’dim itkän. Franśuz wäqalätleläre köne buyı anıñ belän êlemtädä bulğan häm ikençe könne bu êlemtä özelgän. Yelisey sarayı bu xäbärneñ yalğan buluın belderde.

Burkina-Fasoda ber törkem xärbi 24nçe ğıynvarda il xakimiyäten tartıp aldı häm däwlät telekanalı RTBda tüntäreleş belderüen uqıdı. İlbaşı Kabore qulğa alınğannan soñ üz teläge belän wazıyfasınnan kitüen  citkerde.