Bayden jurnalistqa "Êttän tuğan axmaq" dide

AQŞ ilbaşınıñ xäbärçegä sügenüe ildä könüzägenä äwerelde

1767895
Bayden jurnalistqa "Êttän tuğan axmaq" dide

Amerika Quşma Ştatları ilbaşı Djo Bayden Fox News xäbärçese Piter Dusiğa şaltıratıp anıñ xaqında äytkän süzläre öçen ğafu ütende. AQŞ liderı jurnalistnı “êttän tuğan” dip atağan ide.

Waqıyğa bolay bula: Aq Yortta ber brifingta Djo Bayden media qarşında belderü yasağannan soñ mikrofonın sünderergä onıta. Şul waqıtta Fox News xäbärçese Piter Dusi annan ildäge inflyaśiyäneñ säyäsi cawaplılığı turında sorıy. AQŞ ilbaşı sorawnı oşatmıyça “êttän tuğan axmaq” dip üz aldına sügenep quya häm monı sünderelmägän mikrofon qarşında äytä. Bu süzlärne barısı da işetä häm ul kameralarğa da êlägä. Älege waqıyğa sośial’ mediada da kütärelde häm bik küp rizasızlıq yañğıradı.

Soñınnan Dusi Fox Newsta ber tapşıruda qatnaştı häm Baydennıñ üzenä şaltıratıp “Bu şäxsi närsä tügel, dustım” diyüen äytte. “Bayden arabıznı yomşarttı. Moña bik qanäğat’men. Telefonnan bik matur söyläştek,”-dide xäbärçe. Alıp baruçınıñ: “Bayden sinnän ğafu ütendeme?”- digän sorawına ul: “Min berkemneñ dä ğafu ütenüenä moxtac tügel”-dip cawap birde.  



Bäyläneşle xäbärlär