Xökümät räise koronavirus arqasında üz tuyın kiçekterde

Yaña Zelandiyä xökümäte räise Jasinda Ardern koronavirusnıñ Omikron variantı belän bäyle çikläwlärne iğ’lan itkännän soñ üzeneñ tuyınıñ da kiçekterelüen äytte.

BBCnıñ xäbärenä qarağanda, ildä 9 Omikron oçrağı terkälgän. Variantnıñ taralu tizlegen äkrenäytü öçen Yaña Zelandiyädä kisätü çaraları kertelä.

Ardern bitlek kiyü, oçraşularda limit häm vakśina tanıqlığı şikelle çikläwlärneñ ğamälgä kerüen citkerde. Tuy häm başqa mäcleslärdä iñ küp 100 keşe cıyıla ala.

Xökümät räise üzeneñ tizdän bulırğa tiyeşle tuy tantanasın kiçekterep başqalarğa ürnäk kürsätte.  

Jasinda Ardern inde küptän bergä yäşi torğan söyeklese Klark Gayford belän nikyaxlaşırğa tiyeş ide. Alarnıñ 3 yäş’lek balaları bar.