Meksika başlığı yörägenä operaśiyä yasattı

Meksika däwlät başlığı Andres Manuêl’ Lopes Obradorğa gospital’dä yöräk kateterizaśiyäse yasaldı.  Bu xaqta ilneñ êçke êşlär ministrı Adan Augusto Lopes Êrnandes belderde. Anıñ äytüençä, tabiblar ğadäti tikşerü waqıtında älege operaśiyäneñ kiräkle buluın kürep ala.

Êrnandes däwlät başlığınıñ yöräk häm qan tamırlarınıñ sälamät xäldä buluın citkerde. Bügennän ul ğadäti êşçänlegen däwam itäçäk.

Ber yıl êçendä ikençe tapqır koronavirus êläktergän 68 yäş’lek Obrador 2013nçe yılda yöräk öyänäge kiçergän ide.