İranda 9-12 yäş'lek balalarğa vakśina qadıy başlıylar

Korona belän milli köräş oyışmasınıñ kinäşe belän vakśinalaştıru yäşen 12dän 9ğa töşerergä qarar qılındı

1766758
İranda 9-12 yäş'lek balalarğa vakśina qadıy başlıylar

İran sälamätlek saqlaw ministrlığı koronavirus vakśinalarınıñ 9dan 12 yäş’kä qadärge balalarğa qadaluına röxsät birde. Tähran gubernatorı Muxsin Mansuri däwlät telekanalına bolay dip söyläde: “Korona belän milli köräş oyışmasınıñ kinäşe belän vakśinalaştıru yäşen 12dän 9ğa töşerergä qarar qılındı”. Ul preparatnıñ üzençälege häm dozasın sälamätlek saqlaw ministrlığı häm korona belän milli köräş oyışması açıqlayaçağın da citkerde.

“9 belän 12 yäş’ arasındağı balalarğa vakśina qadaw röxsäte törle illärneñ täcribäsenä, bu mäs’älä belän bäyle êşçänleklärgä häm fänni prinśiplarğa tayana. Bu vakśina üz teläge häm äti-änilärneñ röxsäte belän yasalaçaq,”-dide Mansuri.

İranda Sinofarm, Sputnik V, AstraZeneka häm cirle COVİRAN Bäräkät vakśinaları qullanıla.



Bäyläneşle xäbärlär