Nigeriyada xalıqnıñ 60%ı êlektrsız

Ênergiya belgeçe häm êlekke Nigeriya Ênergiya komissiyase ğomüm mödire Abubakar Sani Sambo Nigeriyalelärneñ 60%ınnan kübrägeneñ êlektrsın buluın belderde.

Sambo Nigeriyada êlektr belän täêmin itüneñ citärsezlege mäs’äläsendäge borçuların citkerep, ênergetika tarmağındağı qıyınlıqnıñ  ipsez säyäsät näticäse bula alaçağın äytte.

“Dön’yanıñ qalğan üsep kilüçe häm üskän illäre kebek bez dä qoyaş ênergiyabezne êlektr citeşterü öçen qullana alabız,” – dide ul.

Belgeçlärgä kürä Nigeriyada artuçı xalıq sanı belän ber rättän êlektr sistemasınıñ bulmawı arqasında soñğı 12 yılda urmannarnıñ yartısı yuqqa çıqtı.

Könenä urtaçaq 4 sägät’ ut xezmäte kürä aluçı xalıqnıñ zur öleşe ênergiya ixtıyacı generatorlar yärdämendä qanäğat’länderä.