Ganada şartlatqıç töyälgän maşina motośikl belän bäreleşte
Gananıñ Western vilayätendä taw sänäğätendä qullanılaçaq şartlatqıçlar töyälgän maşinanıñ motośikl belän bäreleşüe näticäsendä barlıqqa kilgän şartawda küp sanda keşeneñ ğomere özelgän
Gana poliśiya xezmätlärennän yasalğan belderüdä Western vilayäteneñ Bogoso-Bawdie avtoyulında şaxtada qullanılaçaq şartlatqıçlar töyälgän maşinanıñ qarşı yaqtan kilgän motośikl belän bäreleşüe näticäsendä "zur şartlaw”nıñ barlıqqa kilüe citkerelde.
Belderüdä şartlaw arqasında küp sanda ülüçe häm yaralanuçınıñ buluı äytelde.
Tirä-yaqtağı öylärneñ zıyan kürüe citkerelgän belderüdä: "Poliśiya häm başqa aşığıç yärdäm xezmätläre tulı aşığıç qotqaru êşçänlegen başlattı. Bu bäxetsez xälne idarä itkän çaqta härkemne tınıç bulırğa çaqırabız”, - dip äytelde.
Şul arada Ganada ülüçelär sanı bilgele buldı.
Gananıñ Western vilayätendä taw sänäğätendä qullanılğan şartkatqıçlar töyälgän maşinanıñ motośikl belän bäreleşüe näticäsendä barlıqqa kilgän şartlawda 17 keşe ülgän, 59 keşe yaralanğan.
Gana informaśiya ministrı Kojo Oppong Nkrumah Western vilayäteneñ Bogoso-Bawdie avtoyulında şaxtada qullanılaçaq şartlatqıçlar töyälgän maşinanıñ qarşı yaqtan kilgän motośikl belän bäreleşüe näticäsendä şartlawnıñ barlıqqa kilüen belderde.
Nkrumah şartlaw arqasında 17 keşeneñ häläq buluın, 59 keşeneñ yaralanuın, tirä-yaqtağu öylärneñ häm kibetlärneñ cimerelüen äytte.
Gana İlbaşı Nana Akufo-Addo da sośial’ media akkauntınnan urtaqlaşqan yazmasında yäşängän bäxetsez häm faciğale waqıyğa arqasında bik qayğıruın belderde.
