Arıslan belän pumalarğa da koronavirus yoqtı
Tikşerenüçelär Kovid-19 başqa xaywannarğa küçep, annarı qabat keşelärgä yoğa qalsa, yaña variantlarnıñ barlıqqa kilü qurqınıçı xaqında kisätte
1765452
Kön’yaq Afrika cömhüriyätendä ber zooparkta 3 arıslan häm 2 pumağa qarawçılarınnan koronavirus yoqtı.
Pretoriya universitetında êşläwçe fän ähelläre Kovid-19nıñ keşelärdän älege xaywannarğa küçä aluın açıqladı.
Yoxannesburg şähärendä şäxsi zooparkta yäşäwçe arıslan belän pumalarnıñ awır sulış alu, borınnarınnan ağu häm qorı yötkerü şikelle simptomnarı kürenä. Şunnan soñ alarğa test yasala häm näticä pozitiv çığa. Bu koronavirusnıñ taraluı häm mutaśiyase belän bäyle borçular tudırdı.
Tikşerenüçelär Kovid-19 başqa xaywannarğa küçep, annarı qabat keşelärgä yoğa qalsa, yaña variantlarnıñ barlıqqa kilü qurqınıçı xaqında kisätte.
