N'yu-York mêrı törek kibeten yarata

Ul ciläk-cimeş häm yäşelçä alırğa qaladağı törek kibetenä yöri

1764906
N'yu-York mêrı törek kibeten yarata

Amerika Quşma Ştatlarında N’yu-York mêrı Êrik Adams ciläk-cimeşlärne qaladağı törek kibetennän satıp ala. Ul xätta üzeneñ alış-bireş mizgellären Twitter akkauntında urtaqlaştı. Adams anda kibetneñ tönge säğat’lärgä qadär açıq buluın belderä häm keçe êşmäkärlärgä teläktäşlek kürsätüen äytä.

Bruklindağı älege törek satuçı Samät Savaşçı Anadolu agentlığına interv’yusında bolay di: “Êrik Adams Bruklin mêrı bulğanda da gel bezdän ala ide. Ul kiçne dä kerde, sälam birde. Söyläştek”.

Êrik Adams töreklärne yarata torğan amerikalı säyäsätçe bularaq bilgele. N’yu-York mêrı itep saylanğannan soñ ul çit il matbuğatına berençe interv’yusın Törkiyäneñ Anadolu agentlığına birde. Adams törek cämäğat’çelege belän mönäsäbätlären däwam itärgä teläwen, Törkiyäneñ Kapadokiya töbägen häm başqa urınnarın barıp kürergä uylawın söyläde



Bäyläneşle xäbärlär