Omikron soñğı variant bulmayaçaq

Belgeçlär koronavirusnıñ yaña mutaśiyä kiçerüen belderde

1758497
Omikron soñğı variant bulmayaçaq

Bötendön’ya sälamätlek saqlaw oyışması Omikron variantınıñ soñğısı bulmayaçağın, virusnıñ mutaśiyä kiçerüen däwam itüen belderde. Bu xaqta oyışmanıñ ğomum mödire Tedros Adxanom Gebreyesus Şveyśariyäneñ Jeneva şähärendä global’ sälamätlek belgeçläre belän bergä uzdırğan yılnıñ berençe matbuğat cıyılışında söyläde. Anda äytelgänçä, uzğan atnada koronavirus kizüe başlanğannan birle iñ küp yoqtıru oçraqları terkälgän.

Gebreyesus vakśina yasatqan keşelärneñ Omikron variantın, Del’tağa qarağanda, ciñelçä kiçerüen, tik moña qaramastan, ciñel dip klassifikaśiyälänmäyäçägen belderde.  “Monnan aldağı variantlardağı şikelle ük Omikron keşelärne xastaxanägä kertä häm üterä. Ul śunami êffektı barlıqqa kiterä, bik tiz tarala häm dön’yadağı sälamätlek saqlaw sistemalarına zur basım yasıy,”-dide belgeç.

Gebreyesus Omikron arqasında xastaxanälärneñ tulıp taşuın, xezmätkärlär citmägänlektän başqa awıru häm yaralanularda bıldırmıy qalırday ülemnär terkälüen äytte.



Bäyläneşle xäbärlär