İzraildä boralaq qazası
Hälakät urınında êzläw-qotqaru êşläre däwam itä
1756601
İzrailneñ tön’yağındağı Xayfa şähäre sulıqlarına boralaq kilep töşte. İlneñ matbuğatındağı xäbärlärgä qarağanda, hälakät diñgez tikşerenüläre üzäge tiräsendä bula.
Boralaqtan 3 keşene yaralı xäldä çığarğannar häm Xayfa şähärendäge xastaxanägä iltkännär. Anda barlığı niçä keşe buluı häm alarnıñ ni xäldä ikäne turında mäğ’lümat birelmi. Sośial’ mediada çıqqan videolarda yuğalğan êkipajnı tabu öçen hälakät urınında signal raketaları oçırtuları kürenä.
İzrailneñ räsmi dairäläre älegä bu mäs’älä belän bäyle belderü yasamadı.