Ğalämdä härkemgä urın citärlek

İlon Mask Qıtaynıñ ğayepläwlärenä cawap birde

1754607
Ğalämdä härkemgä urın citärlek

Ğaläm texnologiyäläre şirkäte SpaysXnıñ yuğarı idaräçese İlon Mask kük yözendä milliardlağan yasalma iyärçen öçen urın citärlek buluın äytte. Anı Starlink apparatları belän Qıtay ğaläm stanśiyäsen yanaw astına quyuda ğayeplägännän ide. Mask bu tänqıyt’lärgä cawap birde.

“Financial Times”qa interv’yu birgän êşmäkär Starlink iyärçennäreneñ Cir orbitasında bik küp urın alıp toruı turındağı süzlärne kire qaqtı. “Ğaläm bik zur, ä iyärçennär - keçkenä. Bu başqalarğa sizelerlek räweştä yoğıntı yasıy ala torğan urın tügel. Berkemneñ dä êşçänlegenä kirtä quymadıq häm bezgä dä qomaçawlawların kötmibez,”-dide İlon Mask.

SpaysX xäzergä qadär orbitağa yaqınça 2 meñ Starlink iyärçene cibärde häm şirkät böten dön’yanı internet belän täêmin itü maqsatı belän tulayım 40 meñnän artıq iyärçen oçırtırğa niyätli.

Qıtay Starlink proyektı öçen orbitağa cibärelgän iyärçennärneñ ğaläm stanśiyäse öçen qurqınıç tudıruın belderep BMO ğaläm agentlığına İlon Masktan zarlanğan ide.



Bäyläneşle xäbärlär