Äfğan balaları Amerikağa äti-änisez kiterelgän

Äfğanstannan Amerika Quşma Ştatlarına kitkän äfğannar arasında ğailäsennän başqa êvakuaśiyälängän yaqınça 1450 bala bar.

Talibannıñ avgust ayında kontrol’ne üz qulına töşerüennän soñ 100 meñnän artıq äfğan keşese AQŞqa qaçtı. Amerikanıñ sälamätlek saqlaw häm gumanitar xezmätlär ministrlığı mäğ’lümatlarına qarağanda, yaqınça 1450 balanı ğailäsez kitergännär.  

Wäqalätlelär êvakuaśiyälängän balalarnıñ ber öleşeneñ sponsorlar häm AQŞtağı başqa tuğannarı belän yäşäwen, 250läbeneñ isä äle haman däwlät küzätüe astında buluın belderde.

Êvakuaśiyälängän balalarnıñ ğailäläre belän küreşü mömkinlege bulaçaqmı – bilgesez. Alarnıñ qayberläre xaos qupqannan soñ aêroportta äti-änilärennän ayırılğan, ikençeläre ğailäsen terraktta yuğaltqan.