Popokatepetl’ vulkanında şartlaw
Meksikadağı Popokatepetl’ vulkanında yaña şartlaw küzӓtelde
Meksikanıñ Afӓt buldırmaw üzӓgennӓn yasalğan açıqlawda Popokatepetl’ yanartawında soñğı 24 sӓgӓt’tӓ şartlawnıñ barlıqqa kilüe hӓm köl belӓn tötenneñ çığuı citkerelde.
Grajdan saqlanu rӓsmi zatları vulkannan çıqqan töten hӓm köllӓrneñ Puêbla, Morelos hӓm Meksika vilayӓt’lӓrenӓ taba baruın, vulkan tirӓsendӓge şӓhӓrçeklӓrgӓ köl yawaçağın açıqladı.
Kölneñ sӓlamӓtlekkӓ risklı buluın beldergӓn rӓsmilӓr ӓlege töbӓklӓrdӓ yӓşӓwçe watandaşlarğa ağulanmas öçen bitlek qullanırğa, işek hӓm tӓrӓzӓlӓrne yabarğa kiñӓş itte.
Popokatepetl’ soñğı tapqır 2nçe hӓm 4nçe dekabr’da şartlağan ide.
5452 metr biyeklektӓge bu vulkan Tön’yaq Amerikanıñ ikençe zur yanartawı bulıp tora.
Kraternıñ diametrı - 900 metr, tirӓnlege – 150 metr.
Popokatepetl’neñ 16 çaqrım tön’yağında isӓ igezӓge İstaççiuatl’ vulkanı urın ala.
