Filippinnarda tabiği afät

Filippinnarıň urta häm kön’yaq-könçığış öleşlärenä kilep citkän Ray tayfunı arqasında ülüçelär sanı 121 gä citkän, 13 keşe yaralanğan.

“Sky News” xäbärenä qarağanda, tizlege säğätenä 195 çaqrımğa citkän tayfun küp töbäklärdä êlektr özelüenä häm citdi cimerelügä kitergän.

Köçle yaňğır häm dawıl ağaçlarnı qubarıp taşlağan, su basu yortlar häm yullarğa zıyan salğan.

Afättä yaqınça 780 meň keşe zyan kürgän, 300 meň awıl keşese êvakuaśiyälängän.

Filippinnar armiyäśe aşığıç yärdäm kürsätü häm êzläw-qotqaru êşlärenä bulışu öçen töbäkkä ğaskär cibärgän.

Töbäkkä kilgän däwlät başlığı Rodrigo Dyuterte 40 million dollar yärdäm bireläçägen beldergän.