Angliyädä iñ yuğarı yoqtıru kürsätkeçe terkälde
Bu 2020nçe yılnıñ dekabrendä belderelgän häm moña qadär iñ yuğarı dip sanalğan 81 meñ 547 oçraqtan da uzdırdı
Angliyädä koronavirus başlanğannan birle iñ yuğarı yoqtıru kürsätkeçe terkälde. Soñğı 24 säğat’tä 88 meñ 376 keşegä Kovid-19 diagnozı quyıla. Bu 2020nçe yılnıñ dekabrendä belderelgän häm moña qadär iñ yuğarı dip sanalğan 81 meñ 547 oçraqtan da uzdırdı. Sälamätlek saqlaw ministrlığınnan alınğan mäğ’lümatlarğa qarağanda, ildä virus arqasında ğomere özelüçelär sanı soñğı täwlektä 146ğa artıp barlığı 146 meñ 937gä citte.
Angliyädä Omikron variantı da zur tizlek belän tarala. Uzğan täwlektä ul 1691 keşedä açıqlana. İldä älege mutaśiyäne yoqtıruçılar sanı 11 meñ 708 buldı.
Angliyä xökümäteneñ baş sälamätlek saqlaw kiñäşçese Kris Uitti Yaña yıl yaqınlaşqanda xalıqnı tağın da iğ’tibarlı bulırğa çaqırdı häm köndälek xastaxanägä möräcäğat’ itülärdä kiläse atnalarda rekord yasala aluın äytte.
