Afrikada açlıq qurqınıçı 6 yılda 50%qa artqan

 Afrikada açlıq qurqınıçı yanağan keşelär sanı 2014 nçe yıl belän çağıştırğanda yaqınça 50%qa artqan.

Bu xaqta Bötendönya azıq-tölek häm awıl xucalığı oyışması xisabında citkerelä.

Anda äytelgänçä, açlıq qurqınıçı ayıruça 2019 - 2020 nçe yıllarda artqan.

Afrika qıytğasında citärlek däräcädä tuqlana almawçılar sanı 2014 nçe yıl belän çağıştırğanda 89 millionğa artıp , 2020 nçe yılda 282 millionğa citkän.

Kovid -19 êpidemiyäseneň dä tiskäre yoğıntısı monıň iň möhim säbäbe itep kürsätelä.

Xisapta 2010-2013 nçe yıllardağı yaxşırudan soň  2014 nçe yıldan birle küzätelä torğan naçarayuğa basım yasala.

Bötendönya azıq-tölek häm awıl xucalığı oyışması xisabı bilgeläp ütkänçä, dönyada citärlek däräcädä tuqlana almawçılarnıň 55%ı Afrika qıytğasında yäşi.

Şulay uq Berläşkän Millätlär Oyışmasınıň 2030 nçı yılğa qadär açlıq qurqınıçın tulısınça beterü maqsatına ireşelmäyäçäge dä kisätelä.

Xisapta Kovid -19 belän berrättän ,qıytğadağı bäreleşlär häm global’ cılınu da açlıq qurqınıçın arttıruçı problemalar itep kürsätelä.