10 keşeneñ üleme öçen cawapqa tartu bulmayaçaq
AQŞ 29nçı avgustta Qabulda üterelgän ğayepsez keşelär öçen cäza birergä cıyınmıy
AQŞnıñ Äfğanstan başqalası Qabulda 10 grajdanlınıñ ülemenä kitergän höcüme belän bäyle bularaq berkemgä dä cäza bilgelänmäyäçäk. 29nçı avgustta bulğan älege waqıyğada hälaq buluçılarnıñ 7se bala ide.
AQŞ üzäk köçlär komandalığı uzdırğan tikşerü tögällände. Pentagon süzçese Djon Kirbi bu mäs’älä belän bäyle belderü yasadı. Anıñ äytüençä, üzäk köçlär komandirı, general Kennet Makkenzi belän AQŞ maxsus köçlär komandirı, general Riçard Klark tikşerüdän soñ kiñäşlären saqlanu ministrı Lloyd Ostinğa cibärgän.
Kirbi bolay dip söyli: “Ministr kiñäşlärne centekläp qarap çıqtı. Barısın da söyli almıym, añlawığızça, qayberläre yäşeren mäğ’lümat. 29nçı avgust höcüme öçen individual’ cäza bireläçägenä ışanmıym”.
Kirbi äytüençä, ministr Ostin da cawapqa tartu kiräklegen uylamıy.
Bäyläneşle xäbärlär
Kön’yaq Kaliforniyä qabat yanğın riskı aldında
Yanğınğa duçar bulğan Kön’yaq Kaliforniyägä köçle cillär häm yanğın riskı yanıy
