Narkotik qullanuçılarnıñ pasportları tartıp alınaçaq
Böyekbritaniyädä narkomaniyägä qarşı köräştä qatğıy çaralar kertergä uylıylar
Matbuğatta çıqqan xäbärlärgä qarağanda, xökümätneñ narkotiklarğa qarşı köräş planı qısalarında, şähärdäge cinayät’çel oyışmalarnıñ keçkenä toraq punktlarına geroin, kokain şikelle matdälär iltü telägen çikläw öçen kiñ külämle operaśiyälär ütkäreläçäk. Kiläse 3 yıl êçendä 2 meñ taratu çeltären özü häm meñnärçä qulğa alu oyıştıru küzallana. Ğayeple dip tabıluçılarnıñ pasportları häm maşina qullanu tanıqlıqları konfiskaśiyälänüe mömkin.
Xökümät räise Boris Djonson bu mäs’älä turında “Sun” gazetına interv’yu birde. Ul däwlätneñ narkotiklarğa qarşı köräştä qararı nıq buluın citkerde.
Djonson fikerençä, ğayeplelärne qabat-qabat qulğa alu häm ällä-niçä tapqır törmägä cibärü śiklın bozıp reabilitaśiyä mömkinlege täq’dim itärgä kiräk.
İlneñ êçke êşlär ministrlığı mäğ’lümatlarına qarağanda, Böyekbritaniyädä qaraqlıqta ğayeplänüçelärneñ yartısınnan kübräge, yäğ’ni yaqınça 300 meñ keşe geroin qullana. Keşe üterüçelärneñ dä yartısına yaqını narkoman.
Narkotiklarnıñ cämäğat’çelekkä zararı isä yılda yaqınça 20 milliard sterling buluı belderelde.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde