Semeru yanartawı itägendä ülüçelär sanı arttı
3 meñ 676 metr biyeklegendäge vulkan uzğan şimbädä atqan ide
İndoneziyada Semeru yanartawındağı şartlawda ülüçelär sanı 34kä citte. 3 meñ 676 metr biyeklegendäge vulkan uzğan şimbädä atqan ide.
Şartlawdan soñ başlanğan êzläw-qotqaru êşçänlege barışında tağın 12 keşeneñ üle gäwdäse tabıldı häm hälaq buluçılar, şulay itep, 34kä citte. Yuqqa çıqqan 17 keşene êzlilär. Yaralanğan 169 keşene däwaläw däwam itä.
Cirlektän yaqınça 3 meñ 700 keşene êvakuaśiyälägännär. 3 meñgä yaqın yort häm 24 mäktäp zarar kürgän.
İl matbuğatında çıqqan xäbärlärgä qarağanda, İndoneziya ilbaşı Joko Vidodo yanartawnıñ şartlawınnan zarar kürgän cirleklärgä barğan. Ul kimendä 2 meñ yortnıñ imin urınğa küçerelergä tiyeşlegen belderä.
Bäyläneşle xäbärlär
"Qızıl küz" çire tarala
Uganda xökümäte bu xaqta belderü yasap xastalıqnıñ kübäyüenä iğ’tibarnı cälep itte