"Omikronnan qurqırğa kiräkmi"

Biontex şirkäte citäkçeläre Omikron variantı arqasında panikağa birelmäskä çaqırdı

1741480
"Omikronnan qurqırğa kiräkmi"

Germaniyädä koronavirus vakśinası uylap tapqan Biontex şirkätenä nigez saluçı törek ğalimnär Uğur Şahin häm Özläm Türäci Omikron variantı arqasında panikağa birelmäskä çaqırdı. Belgeçlär nemeś basmaları jurnalistlarınıñ sorawlarına cawap birde.

Uğur Şaxin älege yaña variant turında ike atnadan – ğomumi mäğ’lümatlarnı cıyıp analizlağannan soñ tögäl näticä çığaraçaqlarına iğ’tibarnı cälep itte.

“Yaña Omikron variantı säbäple qurquğa sabışunıñ kiräge yuq. Panikağa birelmägez. Variantnıñ bik küp törle mutaśiyäläre buluın beläbez. Vakśinanıñ bu variantqa qarşı êffektı azraq buluın, tik köçle awırtudan saqlawın da beläbez,”-dide ğalim. Ul öçençe doza yasağannan soñ citärlek däräcädä yaxşı saqlaw täêmin itelüen citkerde.

Şaxin tikşerenülärneñ vakśinanıñ naçar täêsiren kürsätmäwen belderde. “Şöbhälänüçelärne künderergä kiräk,”-dide ul.

Özläm Türäci isä 2012nçe yıldan birle mRNK vakśinasın yasaw êşçänlege alıp baruların söyläde. “20 meñ keşedä preparatnı sınağannan soñ näticädä 95% uñışqa ireşüegez açıqlanğan mizgel – çınbarlıqnı öyrängän häm iñ bäxetle mizgel ide,”-dide ul.



Bäyläneşle xäbärlär