Êvtanaziya qanunına veto quydı

Portugaliyä ilbaşı Marselo Rebelo de Souza parlament qabul itkän êvtanaziya qanunın inde ikençe tapqır kire qaqtı

1741020
Êvtanaziya qanunına veto quydı

Portugaliyä ilbaşı Marselo Rebelo de Souza ildä inde 1 yıllap bäxäs mäs’äläse bulğan êvtanaziya qanunına qabat veto quydı häm kire parlamentqa cibärde. Ul dokument êçendäge “mediśina yärdäme belän ülemgä ireşü” süztezmäseneñ säbäplären añlatunı soradı.

Portugaliyädä 30nçı ğıynvarda uzaçaq irtä saylaw aldınnan bu atna axırında parlament taratılaçaq. Şul säbäple êvtanaziya qanunın kiläse parlament qarayaçaq.

Portugaliyädä älege qanun sulçı xökümät iniśiativası belän 29nçı ğıynvarda qabul itelgän ide. Tik ilbaşı Marselo Rebelo de Souza anı kire qaqtı häm Konstituśion mäxkämägä cibärde. Ul isä älege dokumentnıñ ilneñ Töp qanunına qarşı kilüen iğ’lan itte. Mäxkämä êvtanaziyäneñ “çiktän tış nıq awırtu kiçerüçelärgä yasala ala” bilgelämäsen oşatmadı häm parlamenttan “açıq, tögäl, küzallana aluçı häm kontrol’ itelerdäy” qanun çığaruların taläp itte.

Tik deputatlar kertkän tözätmälärne Souza tağın ber qat kire qaqtı.



Bäyläneşle xäbärlär