Yaña variant qurqınıçmı?

Bötendön’ya sälamätlek saqlaw oyışması koronavirusnıñ yaña variantı -Omikron turında belderü yasadı

1740041
Yaña variant qurqınıçmı?

Bötendön’ya sälamätlek saqlaw oyışması koronavirusnıñ yaña variantı -Omikronnıñ tağın da tiz taraluı häm, başqa variantlar belän çağıştırğanda, köçleräk awırtuğa säbäpçe buluı turında tögäl dälil yuqlığın citkerde.  

Oyışmadan yasalğan belderüdä Afrika qıytğasınıñ Omikron variantı kilep çıqqan kön’yaq öleşe däwlätlärenä säyäxät çikläwläre başlanuı tänqıyt’lände.

“Torğan sayın kübräk il, yaña Omikron variantı belän bäyle qurquları säbäple, kön’yaq Afrika däwlätlärenä oçışlarnı tıya. Bötendön’ya sälamätlek saqlaw oyışması alarnı fän häm xalıqara sälamätlek saqlaw tözätmälären qarap barırğa çaqıra” diyelä anda.

Oyışma çiklärne yapmasqa kiñäş itte. Bu Afrika illäreneñ kerem çığanaqları häm täêminat çılbırlarına tiskäre yoğıntı yasarğa mömkin.

Belderüdä Omikronnıñ tağın da yoğışlı häm xätär buluı dälillänmäwe, tik Afrikanıñ kön’yağında Kovid-19 testı pozitiv çıqqan keşelärneñ sanı artuı assızıqlandı. Bu xälneñ säbäpçese Omikronmı yäisä başqa faktorlarmı – êpidemiologlar xäzer monı tikşerä.



Bäyläneşle xäbärlär