Kovid-19nıñ yaña variantı Awrupa Berlegen qurqıta
Berlek yaña variant açıqlanğan Afrikanıñ kön’yağına oçışlarnı tuqtatırğa kiñäş itä
1739310
Awrupa Berlege, Afrikanıñ kön’yağında koronavirusnıñ xätär variantı açıqlanuınnan soñ, älege töbäktän oçışlarnı tuqtatırğa planlaştıra. Awrupa Berlege komissiyäse başlığı Ursula fon der Leyen Twitterdan yasalğan belderüendä bolay dide: “Komissiyä, äğ’za illär belän yaqın koordinaśiyä êçendä, virusnıñ B.1.1.529 variantınnan şöbhälänü säbäple Afrikanıñ kön’yağınnan oçışlarnı tuqtatunı kiñäş itä”.
Angliyä dä Kön’yaq Afrika häm Botsvanada kürelgän älege variant säbäple älege ike ilne, monnan tış, Namibiyä, Lesoto, Êsvatini häm Zimbabvenı “qızıl isemlek”kä kertte.
